EAST GREENLAND
Photography
Histogrammip atornera
Histogram tassaavoq sangoriarneq (kurve) assimi qaamanerup agguataarneranik takutitsisoq.
Assiliinnginninni igalaasami takusinnaagukku, qaammarfigitinnerup pitsaanerpaamik atornissaanut ikiuutaalluarsinnaavoq. Histogrammi talerpiani inissisimaneruppat assit ingasaalluni qaammarfigiteqqavoq (Takussutissiaq 2). Takussutissiaq 3-p takutippaa assi nalinginnaasumik/eqqortumik qaammarfigitissimasup histogrammia.
Pinngortitami assiliineq
Pinngortitami assiliigaangama objektivinni filteriliivik atortarpara taamaalillunga filterinik arlalinnik ataatsikkut atuisinnaasarlunga. Filteriliivimmut filterit ataasiakkaat, immikkut inissiivimmut ikioraannarneqarsinnaapput.
Pinngortitami assiliissagaangama polfilteri akulikitsumik atortarpara, taamaalilluni assi qalipaatigissaarnerussaaq kontrasteqarnerullunilu. Pinngortitami assinut tamanna tulluarsoraara. Ilaatigooriarlunga polfilter softgrade filterilu atortarpakka. Softgrade filteri tassaavoq filteri, qulaani taarnerusoq ammullu akimut ersinneruleriartuaartoq. Taamaalillutik assimi nuissat seqinillu qaamaneri sakkukillisinneqarsinnaapput assillu saavaniittut nalinginnaasumik qaamassusinitsillugit.
Soorlu serminik assiliinermi qilak kusanarpat polfilteri softgrade filterilu atorneri iluaqutaasinnaavoq. Filterit taakku marluk nuissat erseqqissassavai sermeq qaqortoq qaammarfigivallaarnagu.
Seqineq tarrilersoq nuilersorluunniit assiliniaraangakku polfilteret softgrade filterilu atullattaartarpakka. Taamaalillunga seqernup nuissallu qaamaneri annikillisillugit saniatigullu assip saava pitsaasumik qaamaneqartillugu.
Softgrade filterit igalaasartaata taarnersai assigiinngitsunik taassusillit pineqarsinnaapput. Uanga 0,9 (2 stop) imaluunniit 1.2 (4 stop) atortarpakka.
ND-filteri, gråfilterimik aamma taaneqartartoq qaamanermik objektivikkut isertartumik assillu chipianut pisartumik ilanngaasarpoq. Saqqarfigitinnerit sivisuut ullup qaamanerini aamma periarfissaassallutik. 30 sek. saqqarfigitinnermi imeq aalasoq siilikitut qitutsigisutut isikkoqassaaq. Nuissat qaqortut takisuunngorlutik inississapput, il.il.
ND-filteri (6 stop aamma 10 stop) qaamanermik annikillisaatitut atortarpara. Kisimiitillugu atorneqarsinnaavoq imaluunniit allamik ilalerlugu. Assiliivimmi saqqarfigitinneq annerpaamik 30 sek.-usarpoq taamaattumik saqqarfigitinneq assiliivinni “B”-mut inissittarpara. Tamanna isumaqarpoq assiliiviup qaamanermut matusaataa nammineq ingerlatiinnarneqassasoq, aallarteqqinnissaata tungaanut. Matusaat taamaalilluni kissaatigisaq malilllugu sivisuumik atorneqarsinnaassammat.
The Use of Filters
Pol filter
Pinngortitami assiliissagaangama polfilteri akulikitsumik atortarpara, taamaalilluni assi qalipaatigissaarnerussaaq kontrasteqarnerullunilu. Pinngortitami assinut tamanna tulluarsoraara. Ilaatigooriarlunga polfilter softgrade filterilu atortarpakka. Softgrade filteri tassaavoq filteri, qulaani taarnerusoq ammullu akimut ersinneruleriartuaartoq. Taamaalillutik assimi nuissat seqinillu qaamaneri sakkukillisinneqarsinnaapput assillu saavaniittut nalinginnaasumik qaamassusinitsillugit.
Soorlu serminik assiliinermi qilak kusanarpat polfilteri softgrade filterilu atorneri iluaqutaasinnaavoq. Filterit taakku marluk nuissat erseqqissassavai sermeq qaqortoq qaammarfigivallaarnagu.
Seqineq tarrilersoq nuilersorluunniit assiliniaraangakku polfilteret softgrade filterilu atullattaartarpakka. Taamaalillunga seqernup nuissallu qaamaneri annikillisillugit saniatigullu assip saava pitsaasumik qaamaneqartillugu.
Softgrade filterit igalaasartaata taarnersai assigiinngitsunik taassusillit pineqarsinnaapput. Uanga 0,9 (2 stop) imaluunniit 1.2 (4 stop) atortarpakka.
ND filter
ND-filteri, gråfilterimik aamma taaneqartartoq qaamanermik objektivikkut isertartumik assillu chipianut pisartumik ilanngaasarpoq. Saqqarfigitinnerit sivisuut ullup qaamanerini aamma periarfissaassallutik. 30 sek. saqqarfigitinnermi imeq aalasoq siilikitut qitutsigisutut isikkoqassaaq. Nuissat qaqortut takisuunngorlutik inississapput, il.il.
ND-filteri (6 stop aamma 10 stop) qaamanermik annikillisaatitut atortarpara. Kisimiitillugu atorneqarsinnaavoq imaluunniit allamik ilalerlugu. Assiliivimmi saqqarfigitinneq annerpaamik 30 sek.-usarpoq taamaattumik saqqarfigitinneq assiliivinni “B”-mut inissittarpara. Tamanna isumaqarpoq assiliiviup qaamanermut matusaataa nammineq ingerlatiinnarneqassasoq, aallarteqqinnissaata tungaanut. Matusaat taamaalilluni kissaatigisaq malilllugu sivisuumik atorneqarsinnaassammat.
App’eqarpoq blænderimik uuttortaasinnaasumik – matusaat aamma ISO
Back Focus button
Back Focus Button tassaavoq teknikki, uumasunik imaluunniit ingerlasumik allanik assiliiniaraangavit erseqqissumik assiliinissannut periarfissanik amerlanerusunik tunisisartoq – tassa aalasumik assiliinermi fokus atatiinnarnissaanik pisariaqartitsinermi, assersuutigalugu arfeq pissittoq imaluunniit nanoq ingerlaartoq.
(assiliiviit tarrarsuutitaqanngitsut ilaat ullutsinni Eye-focusimik atuisinnaapput, soorlu uumasoq ingerlaartoq tussarlugu uumasullu isai ingerlaannartumik fokuseererfigalugit).
Uumasunik assiliiniaruit innersuukkusuppakkit assiliivippit backfocusimut atortua ilinniarluarnissaa.
Uani takusinnaavat assiliivimmi Canonimi qanorpiaq iliortoqarsinnaanersoq:
Ukiumi assiliineq
Ukiukkut assiliiartussagaangama piareersarluaqqaartarpunga. Assersuutigalugu assiliivimmut batteriimik saniatigut kaasarfinni kissalaartumi nassarnissara eqqaamaniartarpara, issittumimi batteri sivikinnerungaatsiartumik atasarmat. Niuluit pitsaasut aamma nassartarpakka periarfissaqarluarniassagama.
Pinngortitami apummi assiliiniarnermi ajornartorsiutaagajuttartut ilaat tassaavoq aputip qinngornera. Assiliiviup qaamanermut uuttortaataata qinngorfigitinnermi matusaatip qaqugukkut atuutilersinnissaa uuttortarluanngitsoortarpaa, taamaalillutik assit pikkunaatsumik qaserpasitsittarlugit. Kisianni RAW-formatimik assiliiguit kingorna qarasaasiami tamanna iluarsineqarsinnaavoq. Taamaakkaluartoq assiliinermi qinngorfigitinnerup eqqorluarnissaa pitsaanerpaavoq.
Malitassaq pitsaasoq tassaavoq blænderimik 1,5 – 2-mut inissitamik qaammarfigitinnissaa, qaammarfigitippallaarnermi iluaqutissatut kaavisittagaq +2-mut inissillugu imaluunnit qaamanermut matusaat blænderi 2-mut inissinneratigut annikillisillugu.
Assiliivinni digitaliusuni ajornanngilaq, pitsaasumik qinngorfigitinnerlugu igalaasakkut takunissaa. Uanga pingasunik assigiinngutsunik qinngorfigitinnernik assiliisarpunga, blænderit ukua atorlugit: +1, +1,5 aamma +2.
Angerlarsimaffinni qarasaasiannut pigaangama pitsaaneq toqqartarpara suliareqqillugulu.
Qaqortoq qaqortumik akullugu assip torrallannissaa ajornakusoortarpoq. Taamaattumik assimi qalipaatigissumik ilanngussinissaq isumassarsiatsialaasarpoq. Periarfissaqartuaannarporlu. Assersuutigalugu illu, seqernup nuiartornerani tarrikkiartorneraniluunniit qalipaatigissaarnera imaluunniit sermeq tungujortoq. Tullia tassaasinnaavoq suut assimut aqquserneqarsinnaanersut, apusineq – aqqusineq – siku assip saavani, imaluunniit kilitaq, assersuutigalugu brændvidde takisooq atorlugu.
Arsarnernik assiliineq
Arsarnernik assiliissagaangama ingerlatinnanga linsera fokuseerertittarpara, assersuutigalugu Tasiilami illu qaamanilik fokuseererfigisarpara kingornalu linse Manuel Fokusimut inissilligu, taamaalilluni fokus inissinnikuusara atatiinnassavaa.
Taartumiileruimmi million km-nik ungasissusilinnut arsarnernut fokus inissinnavianngilaq. Aamma fokus ”naassaanngitsumut” inissinneqarsinnaavoq. Fokusernerani linsennut meqqiminermik inissiigit, taamaalillutit fokus nassaariuaannarsinnaassavat.
Kisianni periuseq tamanna kissaatiginngikkukku naneruartaat sakkortooq atorsinnaavat taamaalillutit fokus inisseqqissinnaaniassagakku. Fokusip nikittoorsimanerani assinik ersernerluttunik assiliisoorsimaneq periasaartarpoq.
Nammineerlunga nuannarinerusarpara arsarnernik assigiinngutsumik assiliinissara – soorlu saavanut assigiinngitsunik inissiillunga. Arsarnernik qummuinnaq assiliinissamit pitsaanerutittarpara. Suna tamaat periarfissaavoq!
Arsarnernik assiliissagaangama objektivi iluarinerusara tassaavoq 24 mm F 1.4. Linseuvoq qaamanermi sakkortuumi atugassaq, taamaalillunga ISO annikitsoq taamaattumillu assimi ”nipiliorpallaanngitsoq” atorsinnaasarpara.
Niuluit pitsaasut ungasianiillu assiliivimmut aquut atorfissaqarluinnartarput, sajuppillannginnissaq anguniarlugu. Ungasianiit aquummik peqanngikkuit assiliivik kingusinaarluni assiliitinneqarsinnaavoq, assersuutigalugu matusinissamut toortaat tooreeraanni 5 sekundit qaangiuppata. Taamaalilluni aamma sajuppillannerit pinngitsoorneqarsinnaapput.
Aamma ISO annikitsoq atorlugu 5-8 sek.-ini assiliisoqarsinnaavoq, taamaalilluni arsarnernik qorsunnik qituppasittunik annikitsorsiorpallaanngitsumik assiliisoqarsinnaavoq. ISO 3000 blænderilu 1.4 toqqaraanni matusaat 1 sekundi missaaniittarpoq. Tamanna arsarnerit ersarissumik qalipaatigissaartumillu assilinissaannut naammattarpoq. Inissiineq pitsaasoq nassaarereerukku assiliivik nuutseqattaarlugu misiliisaqattaarsinnaavutit, soorlu saavani sermit – angallatitoqqat – kuuaraq – taseq – qaqqat – manitsiviit il.il. inissillugit. Taamaalilluni qaammartitsineq assigiinnassavaa.
Lightpainting ukiualuit qaangiummata aatsaat ilisimalerpara. Taamanikkulli pingaartumik arsarnernik assiliininni eqiasuillunga atorluartarpara.
Lightpaint tassaavoq teknikki atorsinnaasat, assip saavani qaamasumik ilanngusserusukkuit, tunuanilu arsarnernik assiliillutit. Qaammartartoq LED-iusoq atorsinnaavat teknikkilu una atorlugu: aalaasinik angisuunik arriitsunillu assip saavani qinngortitsissaatut, saniatigullu matusaat ammaqqatiinnarlugu. Assiliiviup takutitsisarfianiit malugigukku LED-imiit qaamaneq sakkortuallaartoq, qaammartartup saavanut kullut inissillugu qaamaneq sakkukillisinnaavat.
Lightpaint atorlugu assit tamarmik immikkuullarittarput. Kusanavissumik arsarnernik assiliiniaraanni, saniatigullu saavani qaamasumik inissiilluni ilinniaqqaarnissaa pisariaqarpoq.
Youtubemi video, sammisamut taassumunnga tunngasoq isiginnaaruk namminerlu ujarleqqillutit. Arsarnernik lightpaintimillu atuinermik tunngasunik videonik ulikkaarpoq.